အာဏာသိမ်းစစ်တပ်၏ တပ်စုမှူးကို ဖမ်းဆီးရမိပြီး ဆေးကုသပေးနေကြောင်း ULF တာဝန်ရှိသူက ပြောဆို

စစ်ကိုင်း၊ ဩဂုတ် ၂၂

စစ်ကိုင်းတိုင်း၊ ကနီမြို့နယ်၊ နွားခြံကုန်းကျေးရွာတွင် တပ်စွဲထားပြီး သစ်များ ခိုးထုတ်နေသည့်အာဏာသိမ်းစစ်တပ်ကင်းပုန်းစစ်ကြောင်း နှင့် တိုက်ပွဲ ဖြစ်ပွားပြီး တပ်စိတ်မှူးတစ်ဦးကို စစ်သုံ့ပန်းဉပဒေနှင့်အညီ ဖမ်းဆီးထိန်းသိမ်းထားကြောင်း Union Liberation Front – ULF V 02 ဘက်က သတင်းထုတ်ပြန်ထားပါသည်။

Union Liberation Front – ULF V 02 ပြောခွင့်ရက ” ထိတွေ့တိုက်ပွဲဖြစ်ပြီး ဖမ်းမိပြီး တိုက်ပွဲအတွင်းဖမ်းမိသည့်အတွက် ဒဏ်ရာရ၊ သွေးထွက်လွန်နေလို့ ဆေးကုထားရတယ်။ဆေးကုပီးရင် သုံ့ပန်းဥပဒေအတိုင်းဆောင်ရွက်မည်” လို့ ပြောဆိုခဲ့သည်။

ပြီးခဲ့သည့် ဩဂုတ် ၂၀ ရက်နေ့က နွားခြံကုန်းရွာတွင် တပ်စွဲထားသည့်အာဏာသိမ်းစစ်အုပ်စု၏ကင်း ထောက်စစ်ကြောင်း နှင့် ပြည်သူ့ကာကွယ်ရေးတပ်တို့က နွားခြံကုန်းတောပြင်တွင် ထိတွေ့တိုက်ပွဲ ဖြစ်ပွားခဲ့ကြကာ စစ်သားတစ်ဦား သေဆုံးပြီး ပြည်သူ့ကာကွယ်ရေးတပ်က အာဏာသိမ်းစစ်တပ်၏ တပ်စိတ်မှူးတစ်ဦးကို ဖမ်းဆီးရမိခဲ့တာ ဖြစ်သည်။

Union Liberation Front – ULF V 02 ပြောခွင့်ရက “အခု ယင်းမာပင်မြို့နယ်၊စည်သူသစ်ကွင်းမှာ ရှိတယ်ဗျ။ အခုလ ၆ ရက်နေ့က စရောက်တယ်ဗျ။ အခုထိတော့ ထုတ်နေတုန်းပဲ။ဘယ်လောက်ထုတ်လဲတော့ သိသိကျကျ မသိရဘူးဗျ” လို့ ပြောဆိုခဲ့သည်။

အလားတူ အာဏာသိမ်းစစ်တပ်က ပြည်သူပိုင်သစ်တွေကို ခိုးထုတ်နေတာကြောင့် ဒေသခံပြည်သူများက ရက်ရှည်တိမ်းရှောင်နေရကြောင်း Union Liberation Front – ULF V 02 ပြောခွင့်ရက ” စစ်ကောင်စီပြည်သူပိုင်သစ်တွေ သယ်နေသောကြောင့် အနီးနားရှိပြည်သူများလည်း ထွက်ပြေးတိမ်းရှောက်နေရတာ ၂ပတ်ကျော်လည်းရှိပြီဗျ” အခုလို ထပ်မံပြောဆိုထားပါသည်။

လက်ရှိအချိန်တွင် အာဏာသိမ်းစစ်တပ် နှင့် ပြည်သူ့ကာကွယ်ရေးတပ်တို့ တိုက်ပွဲများ ဆက်လက်ဖြစ်ပွားနေတာကြောင့် စုန်းချောင်း၊စည်သူ၊သံဘို၊အင်းပြား၊ကျောက်မှော်၊ပန်းတိမ်ပြင်၊ကျွန်းပေါ်၊ကြက်လျှာ၊ကျောက်ကုန်း၊နှောပင်၊နွားခြံကုန်း၊ အင်းပတ်
စသည့်ကျေးရွာများက ပြည်သူများ တိမ်းရှောင်နေရကြောင်း သိရသည်။